DÇ-2026: İspaniya millisi bu gün 1/4 finalda Belçika ilə qarşılaşacaq

Bu gün futbol üzrə dünya çempionatının 1/4 final mərhələsinin daha bir oyunu keçiriləcək.

Komanda.az xəbər verir ki, mərhələnin ikinci matçında İspaniya və Belçika milliləri üz-üzə gələcək. Qarşılaşma saat 23:00-da start götürəcək. Cütün qalibi yarımfinalda Fransa millisi ilə qarşılaşacaq.

1/4 final mərhələsinin ilk oyununda Fransa Mərakeşi iki cavabsız qolla üstələyib. Bu mərhələdə Norveç – İngiltərə, Argentina – İsveçrə oyunları da keçiriləcək. DÇ-2026 iyulun 19-da başa çatacaq.

DÇ-2026, 1/4 final

10 iyul

23:00. İspaniya – Belçika

Baş hakim: Maykl Oliver (İngiltərə)

Los-Anceles stadionu