Azərbaycan millisinin heyətində dəyişiklik: “Qəbələ”nin üzvü toplanışa qatılmadı

Bu gündən etibarən Bakıda təlim-məşq toplanışına başlayan 17 yaşadək futbolçulardan ibarət Azərbaycan yığmasının heyətində dəyişiklik olub.

Komanda.az AFFA-nın saytına istinadən xəbər verir ki, “Qəbələ”nin üzvü Mehrac Baxşəliyev zədəli olduğu üçün toplanışa qatılmayıb. İspaniyanın “Fundacion Marcet” klubunda çıxış edən Eldar Tağızadə isə hazırlıq prosesinə sentyabrın 16-da qoşulacaq.