Braziliya klubu “Qarabağ”ın futbolçusundan əl çəkib

“Qarabağ”ın yarımmüdafiəçisi Pedro Bikalyonun “Botafoqo”ya transferi baş tutmayacaq. 

Komanda.az ESPN-ə istinadən xəbər verir ki, A Seriyası klubunun braziliyalı yarımmüdafiəçini transfer etmək istəyinə baxmayaraq, danışıqlar uğursuzluqla nəticələnib və keçid reallaşmayacaq. Braziliya klubu artıq “Qarabağ”ın futbolçusunun transferindən imtina edib.

Bundan başqa, “Botafoqo” “Qarabağ”ın keçmiş yarımmüdafiəçisi, hazırda Macarıstanın “Ferentsvaroş” klubunda oynayan Julio Romaonu transfer etmək ehtimalını da istisna edib. Budapeşt klubu ilə danışıqlar da uğursuz olub.