Azərbaycan Gürcüstandakı beynəlxalq turnirdə 6 boksçu ilə təmsil olunacaq

Azərbaycan boksçuları Gürcüstanın Batumi şəhərində bu gün start götürəcək beynəlxalq turnirdə iştirak edəcəklər.

Bu barədə Komanda.az-a Azərbaycan Boks Federasiyasından məlumat verilib.

Beş gün davam edəcək yarışda məşqçi Elbrus Rzayevin rəhbərliyi altında rinqə Bilalhəbaşi Nəzərov (50 kq), Tağı Nəsibov, Tayfur Əliyev (hər ikisi 60 kq), Əli Abdullayev (65 kq), Abbasqulu Şadlinski (75 kq) və Kənan Nəcəfov (+90 kq) çıxacaq.

Turnirdə Laçın Baxış ölkəmizi hakim kimi təmsil edəcək.