Azərbaycan millilərinin Avropa kubokunun təsnifat mərhələsindəki rəqibləri müəyyənləşib

Azərbaycanın 3×3 basketbol millilərinin Avropa kubokunun təsnifat mərhələsindəki rəqibləri müəyyənləşib.

Bu barədə Komanda.az-a Basketbol Federasiyasının mətbuat xidmətindən məlumat verilib.

Kişilərdən ibarət milli komanda B qrupunda Kosovo, Malta seçmələri ilə mübarizə aparacaqlar. Qadınlardan ibarət yığma isə B qrupunda Kosovo ilə üz-üzə gələcək.

Kişilərdən ibarət komanda qrupda ilk oyununu iyunun 7-də Maltaya qarşı keçirəcək. Bundan bir gün sonra isə Kosovo yığması ilə qarşılaşacaq.

Qadın basketbolçulardan ibarət yığmanın Kosovo ilə matçı isə iyunun 8-də baş tutacaq.

Kişi və qadın kateqoriyalarında yalnız təsnifat mərhələsinin qalibləri Avropa kubokunun (2025) əsas mərhələsində iştirak etmək hüququ qazanacaqlar. Avropa kubokunda təsnifat mərhələsinin oyunları 7 və 8 iyun tarixlərində Kosovonun Priştina şəhərində təşkil olunacaq.