“Arsenal”ın futbolçusu üçün mövsüm erkən bitdi

İngiltərənin “Arsenal” klubu yaponiyalı müdafiəçisi Takehiro Tomiyasunu uzun müddətə itirib.

Komanda.az xəbər verir ki, mərkəz müdafiəçisi Avropa Liqasının 1/8 finalında “Sportinq”ə (Portuqaliya) qarşı keçirdikləri cavab matçında sağ dizindən zədə almış və qarşılaşmanın 9-cu dəqiqəsində əvəzlənmişdi.

Ətraflı müayinələrdən sonra zədəsi ciddi olan 24 yaşlı futbolçunun əməliyyat olunmasına qərar verilib. Londonda əməliyyat olunan futbolçunun bu mövsümü erkən başa vurduğu dəqiqləşib. O, ən yaxşı halda yeni mövsümə hazır olacaq. bu barədə London klubunun rəsmi saytı məlumat yayıb.

Xatırladaq ki, Tomiyasu bu mövsüm Premyer Liqada 21 oyuna çıxıb, 1 məhsuldar ötürmə də verib.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button