AFFA divizion komandalarını cəzalandırdı

Bu gün AFFA İntizam Komitəsinin növbəti iclası keçirilib.

Komanda.az xəbər verir ki, aparılan müzakirələrdən sonra Birinci Divizionla bağlı aşağıdakı qərarlar çıxarılıb:

13-cü turun “Kəpəz” – “Qaradağ Lökbatan” oyununda “Kəpəz”in 4 futbolçusu sarı vərəqə ilə cəzalandırıldığı üçün klub 80 manat cərimə olunub. Oyundan öncə “Qaradağ Lökbatan”ın nümayəndəsi təyin olunan vaxtda iclasda iştirak etmədiyi üçün klub 80 manat cərimə olunub.

13-cü turun “Turan Tovuz” – “Sumqayıt-2” oyununda “Turan Tovuz”un 5 futbolçusu sarı vərəqə ilə cəzalandırıldığı üçün klub 80 manat cərimə olunub. Matç bitdikdən sonra “Turan Tovuz”un futbolçusu Nurlan Şabanov hakimi təhqir etdiyinə görə birbaşa qırmızı vərəqə aldığı üçün 4 oyun cəzalanıb, klubu 320 manat cərimələnib.

14-cü turun MOİK – “Kəpəz” oyununda “Kəpəz”in futbolçusu Hikmət Vediyev qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanıb, klubu 20 manat cərimə olunub.

14-cü turun “Neftçi-2” – “Sumqayıt-2” oyununda “Sumqayıt”ın 4 futbolçusu sarı vərəqə ilə cəzalandırıldığı üçün klub 80 manat cərimə olunub.

18-ci turun “Kəpəz” – “Keşlə-2” oyununda hər iki komandanın 4 futbolçusu sarı vərəqə ilə cəzalandırıldığı üçün klublar 80 manat cərimə olunublar.

18-ci turun “Turan Tovuz” – “Zaqatala” oyununda təcili yardım maşını stadiona gələrkən gecikdiyi üçün meydan sahibi klub 160 manat cərimələnib. “Zaqatala”nın ehtiyat oyunçuları texniki zonada sosial məsafə qaydalarını pozduğu üçün klub 80 manat cərimə olunub.

Bizi Telegramda izləyin

Bizi Facebook-da izləyin

Əlaqəli yazılar

Back to top button