Reytinq: “Qarabağ” “Düdelanj”a qalib gəlsə…

Avrokuboklarda qrup mərhələsinin 5-ci turunun oyunlarından sonra UEFA-nın yeni reytinqi açıqlanıb.

Komanda.az xəbər verir ki, “Qarabağ” Avropa Liqasının qrup mərhələsində “Sevilya”ya səfərdə uduzduğundan (0:2), Azərbaycanın mövqeyində dəyişiklik olmayıb. Azərbaycanın bu mövsümdəki əmsalı 3,125-də qalıb.

Son beş ilin nəticələrinə görə 18,500 xalı olan Azərbaycan 26-cı sırada qərarlaşıb. 25-ci yerdə olan Belarusun 18,875 xalı var. Belarusun avrokuboklarda təmsilçisi qalmadığından, “Qarabağ”ın qrup mərhələsinin son turunda “Düdelanj”a qalib gəlməsi 25-ci sıraya yüksəlməyimizə səbəb ola bilər.