“Çelsi”nin qapıçı problemi həll olunmayınca, daha irəli gedə bilməyəcək”

“Liverpul”un və İngiltərə millisinin sabiq müdafiəçisi Ceymi Karrager UEFA Çempionlar Liqasının 1/8 finalında PSJ ilə “Çelsi” arasında keçirilən ilk oyun haqda danışıb. Qarşılaşma Paris klubunun 5:2 hesablı qələbəsi ilə başa çatıb.

Komanda.az “CBS Sports”-a istinadən xəbər verir ki, Karrager, uzun müddətdir “Çelsi”ni tənqid etdiyini bildirib:

“Bu mövsüm Çempionlar Liqasında gördüyüm ən yaxşı oyunlardan biri idi. “Çelsi” 2:5 hesablı məğlubiyyəti haqq etmirdi, amma bu, onların öz səhvləridir. Uzun müddətdir “Çelsi”ni tənqid edirəm və ciddi şəkildə deyirəm: qapıçı problemi həll olunmayınca, daha irəli gedə bilməyəcəklər. Mən bunu daim deyirəm”.

Cavab oyunu martın 17-də, Londonda keçiriləcək.