Flik “Barselona” rəhbərliyindən yeni müdafiəçi tələb edib

“Barselona”nın baş məşqçisi Hans-Diter Flik yay transfer pəncərəsinin son günlərində heyətin gücləndirilməsini tələb edib.

Komanda.az xarici KİV-ə istinadən xəbər verir ki, almaniyalı mütəxəssis rəhbərlikdən yeni mərkəz müdafiəçisinin transferini istəyib.

Ancaq “Barselona”nın bu arzunu reallaşdırıb-reallaşdıra bilməyəcəyi hələ ki, sual altındadır. Çünki klub hələ də yayda heyətə qatdığı bəzi futbolçuları qeydiyyatdan keçirə bilməyib.

Flikin komandası La Liqada iki turdan sonra 6 xal toplayaraq, turnir cədvəlinin 2-ci pilləsində qərarlaşıb.