Azərbaycan yığması son oyunda da uduzdu

Qadın basketbolçulardan ibarət Azərbaycan millisi AÇ-2025-in seçmə mərhələsində bu gün sonuncu matçını keçirib.

Komanda.az xəbər verir ki, Evren Alkayanın rəhbərlik etdiyi komanda C qrupundakı altıncı oyunda Polşa ilə üz-üzə gəlib.

“Sərhədçi” İdman Mərkəzində keçirilən görüş qonaqların qələbəsi ilə yekunlaşıb – 88:34.

Azərbaycan millisi Polşa ilə yanaşı Belçika və Litva ilə mübarizə apardığı qrupda daha əvvəl keçirdiyi bütün görüşlərdə rəqiblərinə məğlub olmuşdu.