Qvardiola etiraf etdi: “Çempion olmağa layiq deyilik”

“Mançester Siti”nin baş məşqçisi Pep Qvardiola komandasının UEFA Çempionlar Liqasının 1/8 finalına çıxa biləcəyi ehtimalı haqda danışıb.

Komanda.az “TNT Sports”-a istinadən xəbər verir ki, ispaniyalı çalışdırıcı bəlkə də, pley-offu buraxmağa layiq olduqlarını bildirib:

“1/8 finala çıxmaq üçün daha iki oyun keçirməyimiz problem deyil. Amma bəlkə də, pley-offu buraxmağa layiqik. Premyer Liqa kimidir, biz çempion olmağa layiq deyilik. Çempion olmaq üçün yaxşı işlər görməlisən, amma biz bunu edə bilmədik”.

“Mançester Siti” hazırda pley-off mərhələsinə vəsiqə verən sonuncu (24-cü) yeri tutur. Komandanın 6 turdan sonra 8 xalı var.

Qvardiolanın yetirmələri bu gün Çempionlar Liqası çərçivəsində səfərdə PSJ ilə qarşılaşacaq.