MS misirli futbolçunu alır – 80 milyon avroya!

“Ayntraxt”ın (Frankfurt) hücumçusu Ömər Marmuş klubunu dəyişməyə yaxındır.

Komanda.az “Sky Sports”-a istinadən xəbər verir ki, misirli futbolçunun yeni iş yeri “Mançester Siti” olacaq. “Şəhərlilər” Marmuşun transferi ilə bağlı Almaniya klubu ilə razılaşıb. Onun transfer məbləği 80 milyon avro olacaq. Tərəflər arasında müqavilə isə 2029-cu ilə qədər olacaq.

25 yaşlı forvard Almaniya Bundesliqasında ən çox qol vuran ikinci oyunçudur. O, bu mövsüm 17 matçda iştirak edib, 15 qol vurub və 9 məhsuldar ötürmə verib.