Flik “Barselona” rəhbərliyini təəccübləndirib

“Barselona” rəhbərliyi baş məşqçi Hans-Diter Flikin işə yanaşmasından yaxşı mənada təəccüblənib.

Komanda.az “Diario Sport”-a istinadən xəbər verir ki, almaniyalı çalışdırıcı klubdakı ilk günlərindən “Barselona” rəhbərliyini təəccübləndirməyi bacarıb. O, konkret transfer tələb etməyib və gənclər akademiyasından olan futbolçuları heyətə cəlb etməklə problemləri yoluna qoymağa hazır olduğunu bildirib.

Flik cari mövsüm başlamazdan əvvəl Xavini əvəzləyərək “Barselona”ya rəhbərlik edib.

Kataloniyalılar hazırda La Liqanın turnir cədvəlində 3-cü pillədə qərarlaşıb. Komanda lider “Atletiko”dan 6, “Real”dan isə 5 xal geri qalır.