“Barselona” “Kamp Nou”da VİP yerlərin satışını elan edib

“Barselona” yenidənqurma işləri aparılan “Kamp Nou” stadionunda VİP oturacaqların satışını elan edib.

Komanda.az xəbər verir ki, bu barədə Kataloniya klubunun mətbuat xidmətinin rəsmi saytında bəyanat dərc olunub:

“Barselona”, ​​son aylarda klubun üzərində işlədiyi və nəticədə La Liqanın maliyyə feyr-pley qaydalarına qaytarılmasının açarı olduğunu sübut edən əməliyyatın bir hissəsi olaraq “Kamp Nou”da VİP yerlərin satışını elan edib. Klub iki ayrı Yaxın Şərq investoru ilə 475 yerlik müqavilə bağlayıb. Etibarlılıq müddəti 30 ildir. Bu müqavilələr üçün müvafiq sənədlər 2024-cü il dekabrın 31-də, gecə yarısına qədər La Liqaya təqdim edilib”.

“Barselona” hazırda 38 xalla La Liqanın turnir cədvəlində 3-cü pillədə qərarlaşıb.