“Kəpəz”də gürcü futbolçu – Rəsmi

“Kəpəz” heyətinə yeni futbolçu cəlb edib.

Komanda.az klubun mətbuat xidmətinə istinadən xəbər verir ki, gürcüstanlı yarımmüdafiəçi Rati Ardazişvili ilə müqavilə imzalanıb.

26 yaşlı futbolçu ilə müqavilənin müddəti 6 ay+1 il müddətinə nəzərdə tutulub.

Ardazişvilinin son klubu vətənində “Samtrediya” olub. Gürcüstanın aşağı yaş qrupları üzrə yığmalarının, o cümlədən U-21 millisinin şərəfini qorumuş futbolçu bir neçə ölkədə legioner həyatı yaşayıb. O, Ukraynanın “Rux”, Qazaxıstanın “Kaspi”, “Jetısu” və Latviyanın “Liepaya” klublarında oynayıb.