“Qələbə qazanmağa davam etsək…”

“Çelsi”nin yarımmüdafiəçisi Koul Palmer komandasının hazırkı İngiltərə Premyer Liqasındakı perspektivlərini dəyərləndirib.

Komanda.az “Sky Sports”-a istinadən xəbər verir ki, ingiltərəli futbolçu bacardıqları qədər çox oyun qazanmağa çalışdıqlarını bildirib:

“Qələbə qazanmağa davam etsək, əminəm ki, ilk dördlüyə daxil olacağıq. Biz sadəcə davam etməyə və bacardığımız qədər çox oyun qazanmağa çalışırıq”.

Londonlular bazar günü 13-cü turda “Aston Villa”ya qalib gəlib – 3:0. Enzo Mareskinin komandası hazırda “Arsenal”la 2-ci yeri bölüşür, hər ikisinin aktivində 25 xal var. Vurulan və buraxılan qollar tamamilə eynidir.

“Çelsi” növbəti turda səfərdə “Sauthempton”la qarşılaşacaq.