“Zirə” – “Araz-Naxçıvan” matçının təyinatları açıqlandı

Azərbaycan Premyer Liqasında 3-cü turdan təxirə salınmış “Zirə” – “Araz-Naxçıvan” oyununun təyinatları müəyyənləşib.

Komanda.az Peşəkar Futbol Liqasının mətbuat xidmətinə istinadən xəbər verir ki, oyunu Rauf Cabarov idarə edəcək. Ona meydanda Eyyub İbrahimov və Asiman Əzizli kömək edəcəklər. Dördüncü hakim funksiyasını Kamran Əliyev yerinə yetirəcək. VAR-da Nicat İsmayıllı yer alacaqsa, AVAR hakimi Kamran Bayramov olacaq.

Görüşün hakim-inspektoru Ramil Diniyev, AFFA nümayəndəsi İlham Əliyev olacaq.

Qarşılaşma noyabrın 6-da, saat 19:00-da Zirə İdman Kompleksinin stadionunda keçiriləcək.