Azərbaycan kuboku: “Qəbələ” “Qarabağ”a rəqib oldu

Oktyabrın 28-də futbol üzrə Azərbaycan kubokunda 2-ci təsnifat mərhələsinə start verilib.

Komanda.az xəbər verir ki, ilk oyun günündə bir qarşılaşma keçiriib. “Turan Tovuz” doğma meydanda 2-ci Liqa təmsilçisi “Hypers Guba” ilə üz-üzə gəlib. Məhsuldar keçən qarşılaşma Tovuz təmsilçisinin qələbəsiylə yekunlaşıb. Bu cütün qalibi 1/8 finalda “Sabah”a rəqib olacaq.

Oktyabrın 29-da kubokda 2-ci təsnifat mərhələsinin növbəti oyunları keçirilib. İkinci oyun günündə daha dörd matç baş tutub.

Günün ilk oyununda 1-ci Liqada çıxış edən MOİK “Şimal”ı sınağa çəkib. Qarşılaşma “hərbçilər”in qələbəsi ilə bitib – 3:1. 1-ci Liqa təmsilçisi 1/8 finalda “Sumqayıt”a rəqib olub.

Premyer Liqa klublarından “Araz-Naxçıvan” “Şahdağ Qusar”la, “Kəpəz” “Ağdaş”la, “Səbail” isə “Dinamo” ilə üz-üzə gəlib. Hər üç oyunda elita təmsilçisi darmadağınla mərhələ adlayıb.

Dünən 2-ci təsnifat mərhələsinin daha dörd oyunu keçirilib. Baş tutan oyunlardan sonra 1/8 finala vəsiqə qazanan daha üç komanda məlum olub. Bunlar “Qaradağ Lökbatan”, “Mingəçevir” və “Şamaxı”dır.

“Qaradağ Lökbatan” 2-ci təsnifat mərhələsində “Karvan”ı (3:0), “Mingəçevir” “Zaqatala”nı (1:0), “Şamaxı” isə “Şəmkir”i (6:1) məğlub edib.

Qalib gələn klublar növbəti raundda müvafiq olaraq “Səbail”, “Araz-Naxçıvan” və “Zirə” ilə üz-üzə gələcəklər.

“Şəfa” ilə qarşılaşan “Difai” isə 3:2 hesablı qələbə sayəsində mərhələ adlayıb. Bu qalibiyyət sayəsində Ağsu təmsilçisi 1/8 finalda “Neftçi”nin rəqibi olub.

Bu gün keçirilən daha iki qarşılaşmadan sonra 1/8 finalın son iştirakçıları müəyyənləşib.

“İmişli” Şamaxı Olimpiya İdman Kompleksinin stadionunda “Cəbrayıl”ı qəbul edib və 5:1 hesablı qələbəyə sevinib. “İmişli” 1/8 finalda “Kəpəz”lə görüşəcək.

“Qəbələ” isə doğma meydanda “Baku Sportinq”lə üz-üzə gəlib. Qəbələ şəhər stadionunda baş tutan matçda meydan sahibləri 4:0 hesablı qələbəyə sevinib. “Qəbələ” 1/8 finalda “Qarabağ”a rəqib olacaq.

Azərbaycan kuboku, 2-ci təsnifat mərhələsi

28 oktyabr

Turan Tovuz – Hypers Guba 7:2
Qollar: Ramil Əhmədov, 12-avtoqol. Ayxan Hüseynov, 17; 25. Aleks Souza, 38; 39. Sadiq Quliyev, 56. Nahid Əliyev, 60 – İlqar Ələkbərov, 64, 68.
Hakimlər: Əkbər Əhmədov, Eyyub İbrahimov, Şirmamed Mamedov, Rəvan Həmzəzadə.
Hakim-inspektor: Gülağa Cabarov.
AFFA nümayəndəsi: Seymur Səlimli.
Tovuz şəhər stadionu

29 oktyabr

MOİK – Şimal 3:1
Qollar: Cavid Tağıyev, 17. Balamirzə Soltanov, 55. Cavidan Abbaszadə, 90+1 – Məhəmməd Ağayev, 90+3.
Hakimlər: Namiq Bəkirov, Səbuhi Əmrahov, Səbuhi Soltanov, Murad Səlimov.
Hakim-inspektor: Anar Salmanov.
AFFA nümayəndəsi: Yavər Rəhimov.
Sumqayıt şəhər stadionu (ehtiyat meydança)

Şahdağ Qusar – Araz-Naxçıvan 0:4
Qollar: Sənan Ağalarov, 19; 49. Bernardo Dias 45. Elcan Məmmədov 81.
Hakimlər: Əli Əliyev, Zöhrab Abbasov, Rəhman Aslanov, Niyaz Əhmədov.
Hakim-inspektor: Ömər Paşayev.
AFFA nümayəndəsi: Elçin Məmmədov.
“Liv Bona Dea Arena”

Ağdaş – Kəpəz 0:6
Qollar: Lassana Ndiaye, 10. Karim Lkuça 17-pen; 42, Tural Rzayev, 21; 60. Nicat Məmmədov 63.
Hakimlər: Səbuhi Bayramov, Sənan Atayev, Rasim Axundov, Əkbər Əhmədov.
Hakim-inspektor: Zöhrab Qədiyev.
AFFA nümayəndəsi: Namiq Əliyev.
Tovuz şəhər stadionu

Dinamo – Səbail 0:6
Hakimlər: Ruslan Quliyev, Qəzənfər Məmmədov, Taleh Məmmədov, Fərid Hacıyev.
Hakim-inspektor: Vüsal Əliyev.
AFFA nümayəndəsi: Elgiz Abbasov.
“ASCO Arena”

30 oktyabr

Şamaxı – Şəmkir 6:1
Hakimlər: Kamran Əliyev, Tərlan Talıbzadə, Kərim Zeynalov, Tural Qurbanov.
Hakim-inspektor: Ramil Diniyev.
AFFA nümayəndəsi: Eldəniz Musayev.
Şamaxı şəhər stadionu

Mingəçevir – Zaqatala 1:0
Hakimlər: Şamil İmanzadə, Mirnihat Seyidov, Asif Abdullayev, Samir Hüseynov.
Hakim-inspektor: Orxan Məmmədov.
AFFA nümayəndəsi: Emin Cəfərov.
Yaşar Məmmədzadə adına Mingəçevir şəhər stadionu

Qaradağ Lökbatan – Karvan 3:0
Hakimlər: İslam Məmmədov, Elmin Süleymanov, Zakir Şükürzadə, Rauf Allahverdiyev.
Hakim-inspektor: Ceyhun Haşımov.
AFFA nümayəndəsi: Zümrüd Ağayeva.
Lökbatan Olimpiya İdman Kompleksinin stadionu

Şəfa – Difai 2:3
Hakimlər: Vüqar Həsənli, Aydın Bəxşiyev, Nurlan Əhmədzadə, Rəsul Babayev.
Hakim-inspektor: Əmrah İbrahimov.
AFFA nümayəndəsi: Zaur Hacı-Məhərrəmov.
“ASK Arena”

31 oktyabr

İmişli – Cəbrayıl 5:1
Hakimlər: Rövşən Rəcəbov, Orxan İbişov, Anar Bədəlov, Emin Abdullayev.
Hakim-inspektor: Rəhim Həsənov.
AFFA nümayəndəsi: Nəriman Axundov.
Şamaxı Olimpiya İdman Kompleksinin stadionu

Qəbələ – Baku Sportinq 4:0
Qollar: Domi Massum, 5; 43. Ruslan Vorontsov, 20. Fərid İsgəndərov, 75.
Hakimlər: Nicat İsmayıllı, Vüqar Bayramov, Gülnurə Əkbərzadə, Nazim Abdullayev
Hakim-inspektor: Rövşən Əhmədov
AFFA nümayəndəsi: İlham Əliyev
Qəbələ şəhər stadionu, 15:00