“Real” Naçonu əvəz edə biləcək müdafiəçini tapıb

“Real” Naço Fernandesin yerinə yeni mərkəz müdafiəçisi axtarır.

İspaniyalı futbolçu karyerasını Səudiyyə Ərəbistanı çempionatında davam etdirəcək. O, “Əl-Kadisiyyə”də çıxış edəcək.

Komanda.az xarici KİV-ə istinadən xəbər verir ki, Madrid klubu Naçoya əvəzləyici olaraq “Everton”un müdafiəçisi Cerred Brantueyti öz heyətinə qata bilər. Futbolçunun transferi ilə “kral klubu”nun baş məşqçisi Karlo Ançelotti şəxsən maraqlanır. “Real” müdafiəçi üçün təxminən 70 milyon avro təklif etməyə hazır olan “Mançester Yunayted”lə yarışmaq niyyətindədir.

22 yaşlı futbolçunun İngiltərə klubu ilə müqaviləsi 2027-ci ilin yayına kimi nəzərdə tutulub.