İngiltərə klubu Saneni transfer etmək istəyir

Leroy Sane “Bayern”i tərk edərək karyerasını İngiltərədə davam etdirə bilər.

Komanda.az “Sky Sports”-a istinadən xəbər verir ki, “Arsenal” almaniyalı futbolçunu transfer etməkdə maraqlıdır.

“Topçular” 28 yaşlı yarımmüdafiəçinin keçidini hazırkı transfer pəncərəsində rəsmiləşdirməyi planlaşdırır. Sane isə Münhendən ayrılmaq niyyətində deyil. O, gələcəyini “Bayern”lə bağlayır.

Sane ötən mövsüm bütün yarışlarda 42 matçda iştirak edib, 10 qol vurub, 13 məhsuldar ötürmə verib.