“Baş rollarda Messi, Yamal və başqaları”

“Barselona”nın mətbuat xidməti 16 yaşlı ispaniyalı vinger Lamin Yamalın Avropa çempionatının finalına yüksəldikdən sonra yayımlanan fotosuna cavab verib.

Komanda.az xarici KİV-ə istinadən xəbər verir ki, Lionel Messinin illər əvvəl, Yamalın körpə olarkən yanında olduğu fotoya Kataloniya klubu belə reaksiya verib:

“Baş rollarda Messi, Yamal və başqaları. UNICEF və “Barselona” Uşaqları Müdafiə Fondunun proqramları vəsait toplamaq üçün sosial tədbir”.

İspaniya millisi Yamalla birlikdə yarımfinalda Fransaya 2:1 hesabı ilə qalib gələrək, Avropa çempionatının finalına yüksəlib. Luis De La Fuentenin yetirmələri turnirin həlledici oyununda İngiltərə komandası ilə üz-üzə gələcək. Qarşılaşma iyulun 14-də keçiriləcək.