“Mançester Siti”nin hücümçusu İspaniyanın 2 klubunun hədəfindədir

“Mançester Siti”nin və Argentina millisinin hücumçusu Xulian Alvares komandasını dəyişə bilər.

Komanda.az “Football Espana”-ya istinadən xəbər verir ki, argentinalı futbolçu ilə “Atletiko” və “Barselona” maraqlanır.

Hər iki klub dünya çempionu ilə güclənmək istəyir, lakin maliyyə çətinliyi üzündən tam transferi həyata keçirə bilmir. Yalnız mümkün keçid variantı icarədir.

Alvaresin bazar dəyəri 90 milyon avro qiymətləndirilir və onun “şəhərlilər”lə müqaviləsi 2028-ci ilin yayına kimi nəzərdə tutulub.

Alvares ötən mövsüm 54 oyuna çıxıb, 19 qol vurub və 13 məhsuldar ötürmə edib.