“Arsenal” inanılmaz bir mövsüm keçirdi”

“Mançester Siti”nin yarımmüdafiəçisi Rodri İngiltərə Premyer Liqasında çempionluq yarışında “Arsenal”ın məğlubiyyətindən danışıb.

Komanda.az xarici KİV-ə istinadən xəbər verir ki, ispan futbolçu “topçular”ın inanılmaz mövsüm keçirdiyini bildirib: 

“Arsenal” inanılmaz bir mövsüm keçirdi, amma fərqi yaradan mentalitetdir. Buraya gələndə bizi “döymək” istəmədilər. Onlar sadəcə heç-heçə oynamaq istəyirdilər”.

İngiltərə çempionatında mövsümün sonunda “Mançester Siti” 91 xal toplayıb. Pep Qvardiolanın komandası ardıcıl 4-cü dəfə çempion titulunu qazanaraq, turnir cədvəlinin zirvəsinə yüksəlib. “Arsenal” mövsümü 89 xalla, “Mançester Siti”dən 2 xal geri qalaraq, ikinci pillədə başa vurub.