“Həmişə olduğu kimi, gizlənmək fikrində deyiləm” – Mbappe

PSJ-nin hücumçusu Kilian Mbappe Çempionlar Liqasında keçiriləcək “Barselona” ilə 1/4 final matçı ilə bağlı fikirlərini bölüşüb.

Komanda.az “Mundo Deportivo”-ya istinadən xəbər verir ki, fransalı forvard oyuna hazır olduğunu deyib:

“Möhtəşəm oyunların vaxtı gəldi və mən buna hazıram. Həmişə olduğu kimi, gizlənmək fikrində deyiləm”.

İlk oyun aprelin 10-da Parisdəki “Park de Prens” stadionunda keçiriləcək. Cavab oyunu aprelin 16-da Barselonada olacaq.

Mbappe 2018-ci ildən PSJ-də çıxış edir. Onun klubla müqaviləsi bu ilin yayına qədərdir. Fransalı hücumçu bu mövsüm 40 matçda iştirak edib, 39 qol vurub və 9 məhsuldar ötürmə edib.