“Rodriqo matçın ən vacib oyunçusu idi” – Ançelotti

“Real”ın baş məşqçisi Karlo Ançelotti İspaniya çempionatının 30-cu turunda “Atletik”lə oyunda qazanılan qələbəni (2:0) şərh edib.

Komanda.az klubun mətbuat xidmətinə istinadən xəbər verir ki, italiyalı mütəxəssis çox gərgin oynadıqlarını bildirib:

“Oyuna çox yaxşı başladıq və tezliklə üstünlüyü ələ keçirdik. Müdafiədə yığcam idik, mütəşəkkil hərəkət etdik və risk etmədik. Çox gərgin oynadıq.

Komandada hər kəsin öz rolu var: hücumçular özlərini qurban verirlər, amma müdafiədə hər şey sakitdir, komanda yaxşıdır. Bu gün bir az daha yüksək təzyiq göstərə bilərdik, lakin Çud Bellingem və Valverde yüz faiz hazır olmadığı üçün bunu etməyə gücümüz çatmadı.

Biz Rodriqonun bu matçda nəsə edəcəyinə əmin idik. Ola bilsin ki, bu vəzifəni başqalarından daha çox sevir. Düşünürəm ki, o və Vinisius Junior birlikdə çox yaxşıdır. O, matçın ən vacib oyunçusu idi”.

“Real” ardıcıl üçüncü La Liqa qələbəsini qazanıb. “Kral klubu”nun məğlubiyyətsizlik seriyası 24 matçdır – 18 qələbə və 6 heç-heçə.

Ançelottinin komandası 75 xalla 1-ci pillədə qərarlaşıb.