Mbappe “Mançester Yunayted”dən gələn təklifi rədd edib

PSJ-nin hücumçusu Kilian Mbappenin Fransa klubunu tərk edərək “Real”a keçmə ehtimalı daha yüksəkdir.

Komanda.az xəbər verir ki, “Diario Sport”-a görə, Mbappe “Real”la müqavilə bağlamazdan əvvəl “Mançester Yunayted”dən gələn təklifi rədd edib. İngiltərə klubu futbolçuya 500 milyon avro dəyərində müqavilə, həmçinin 200 milyon avroluq böyük imza bonusu təklif edib.

Daha əvvəl fransalı hücumçunun Madrid klubu ilə müqavilənin son detallarını razılaşdırdığı bildirilib. Müqavilə 2024-cü il iyulun 1-dən qüvvəyə minəcək. “Real” yaxın həftələrdə Mbappenin transferini başa çatdırmaq istəyir, lakin onun keçidini yalnız mövsüm bitdikdən sonra elan edəcək.

25 yaşlı futbolçu 2017-ci ildən PSJ-də çıxış edir.