Ançelotti Mbappe ilə bağlı suala cavab vermək istəmədi

“Real”ın baş məşqçisi Karlo Ançelotti “Rayo Valyekano” ilə La Liqa matçı öncəsi mətbuat konfransında PSJ-nin hücumçusu Kilian Mbappenin mümkün transferi ilə bağlı sualı cavablandırıb.

Komanda.az xarici KİV-ə istinadən xəbər verir ki, o, hazırda əsas məqsədlərinin mövsümü titullarla başa vurmaq olduğunu deyib:

“Mbappenin keçidi? Qarşıdan gələn matç haqqında danışmaq üçün buradayıq. Mən mövsümü başa vurub, titullar qazanmaq istəyirəm. Bunun üçün çalışırıq. Yeni mövsüm hələ çox uzaqdadır”.

Daha əvvəl Mbappenin yay transfer pəncərəsində PSJ-dən ayrıla biləcəyi bildirilirdi. “Real” fransalı futbolçu üçün əsas namizəd hesab olunur.

25 yaşlı hücumçu 2018-ci ildən PSJ-də çıxış edir. Onun Fransa klubu ilə müqaviləsi 2024-cü ilin yayına kimi nəzərdə tutulub. Mbappe bu mövsüm bütün turnirlərdə 30 oyun keçirib, 31 qol və 7 məhsuldar ötürmə ilə yadda qalıb.