“Hələ atmalı olduğumuz böyük addımlar var” – Klopp

“Liverpul”un baş məşqçisi Yurgen Klopp İngiltərə Premyer Liqasındakı çempionluq yarışından danışıb.

Komanda.az “Sky Sports”-a istinadən xəbər verir ki, alman müxəssis hər şeyin düzgün istiqamətdə getdiyini bildirib:

“Dahi deyiləm, dörd aydan sonra nə olacağını deyə bilmərəm. Mən yalnız ən yaxşı çözümlər və ideyaları tapmağa çalışıram. Bəzən işləyir, bəzən nəsə dəyişir. Ancaq indiki komanda haqqında yaxşı təəssüratlar tez bir zamanda formalaşıb. Görək, bütün bunlar işə yarayacaqmı? Biz düzgün istiqamətdə hərəkət etməliyik.

Heç kimin bizə qarşı oynamaq istəmədiyi komandamız var. Hələ atmalı olduğumuz böyük addımlar var. Lakin hər şey düzgün istiqamətdə gedir”.

İngiltərə Premyer Liqasının 21-ci turu çərçivəsində “Liverpul” səfərdə “Bornmut”a qalib gələrək (4:0) zirvədəki yerini bərkidib.