ÇL: Ən çox qazanan “Real” oldu

UEFA Çempionlar Liqasının 2023/24 mövsümünün qrup mərhələsində hansı komandanın daha çox pul qazandığı məlum olub.

Komanda.az AS-a istinadən xəbər verir ki, ən çox pul mükafatını Madrid “Real”ı alıb – 79,8 milyon avro.

İkinci yerdə 76,6 milyon qazanan “Bayern”dir. “Mançester Siti” 76,4 milyon, “Barselona” 71,5 milyon alıb.

Çempionlar Liqasının 2023/24 mövsümünün 1/8 final mərhələsinin ilk oyunları fevralın 13, 14, 20 və 21-də, cavab görüşləri isə martın 5, 6, 12 və 13-də keçiriləcək.