“Komandanın irəliyə doğru daha bir addım atdığını görmək xoşdur” – Simeone

“Atletiko”nun baş məşqçisi Dieqo Simeone komandasının Çempionlar Liqasının qrup mərhələsində birinci yeri tutmasından danışıb.

Komanda.az “Marca”-ya istinadən xəbər verir ki, o, komandasının qrup mərhələsində çox yaxşı çıxış etdiyini söyləyib:

“Biz həmişə mümkün qədər yüksək yerdə olmağa çalışırıq. Komanda qrup mərhələsində çox yaxşı çıxış etdi. Bundan sonra nə olacağını bilmirəm. 1/8 finaldan başlayaraq bütün komandalar yaxşıdır. Davamlı çətinliklərlə üzləşdiyimiz son illərdəkilərdən bir addım irəli getdik.

Artıq mövsümün ilk yarısını vacib yerdə başa vurmuşuq. Komandanın irəliyə doğru daha bir addım atdığını görmək xoşdur. Bu dəfə biz buna nail olduq”.

6 turdan sonra “Atletiko” E qrupunda 14 xalla birinci yeri tutub.