“Belə qələbələr “Mançester Yunayted”in genlərində var – Ten Haq

“Mançester Yunayted”in baş məşqçisi Erik ten Haq Çempionlar Liqasının qrup mərhələsinin 3-cü turunda “Kopenhagen” üzərində qazanılan qələbəni (1:0) şərh edib.

Komanda.az UEFA-nın mətbuat xidmətinə istinadən xəbər verir ki, o, matçın gərgin keçdiyini, amma nəticənin ədalətli olduğunu söyləyib:

“Mən “Mançester Yunayted”in başqa yolla qalib gələ biləcəyini düşünmürəm. Belə qələbələr bu komandanın genlərində var. Matç çox gərgin keçdi, sonluq çılğın oldu, amma məncə, nəticə ədalətlidir. Çoxlu şanslar yaratdıq, amma hamısı reallaşmadı”.

“Mançester Yunayted” 3 xalla A qrupunda 3-cü yerdədir. “Kopenhagen” 1 xalla turnir cədvəlində sonuncudur.