Serxio Ramosun gözlədiyi fürsət

“Real”ın və PSJ-nin keçmiş müdafiəçisi Serxio Ramos karyerasını MLS-də davam etdirmək üçün fürsət axtarır.

Komanda.az “Marca” nəşrinə istinadən xəbər verir ki, Ramosun PSJ-dən ayrıldıqdan sonra karyerasını davam etdirmək üçün bir çox variantı olub, lakin onlar ispan müdafiəçini qane etməyib. Futbolçu MLS klubunlarından birinə keçmək üçün fürsət gözləyir.

Keçmiş klubu “Sevilya”ya qayıtmaq variant isə Ramos tərəfindən heç vaxt ciddi şəkildə nəzərdən keçirilməyib.

37 yaşlı futbolçu 2022/23 mövsümündə 45 oyunda 4 qol vurub və 1 məhsuldar ötürmə edib.