Serxio Ramos Afrika klubuna keçir

PSJ-dən ayrılan ispaniyalı müdafiəçi Serxio Ramosun karyerasını harada davam etdirəcəyi məlum olub.

Komanda.az xarici KİV-ə istinadən xəbər verir ki, 37 yaşlı futbolçu Afrikada oynayacaq. Ramos “Raca Kasablanka”ya keçəcək. O, Mərakeş klubu ilə 1 illik müqavilə imzalayacaq.

Serxio Ramos 2021-2023-cü illərdə PSJ-də çıxış edib. İspaniya millisinin sabiq üzvü Paris təmsilçisinin heyətində meydana çıxdığı 58 matçda 6 qol və 1 məhsuldar ötürmə ilə yadda qalıb.