Messi: “Ailəm verdiyim qərardan məmnundur”

Argentinalı hücumçu Lionel Messi ABŞ klubu “İnter Mayami”yə keçidi barədə danışıb.

Komanda.az “RMC Sport”-a istinadən xəbər verir ki, o, MLS təmsilçisinə transferini yeni çağırış adlandırıb:

“İşimə olan münasibətim və düşüncə tərzim dəyişmir, sabit qalır. Hansı klubda çıxış etməyimdən asılı olmayaraq, ən yüksək səviyyədə mübarizə aparmaq üçün çalışmağa davam edəcəm.

Ailəm verdiyim qərardan məmnundur. Bu, yeni çağırış idi. Onu qəbul etməyə hazır idim”.

Son dünya çempionu bu gün Mayami klubu ilə müqavilə imzalayacaq. MLS təmsilçisi iyulun 16-da onun təqdimat mərasimini keçirəcək. Həmin tədbirə görə satışa çıxarılan biletlərin hamısı satılıb.

Messi karyerası ərzində “Barselona” və PSJ kimi klublarda forma geyinib. Onun yeni klubunda 60 milyon dollar qazanacağı bildirilir.