Azərbaycan millisində türkiyəli baş məşqçi

Qadın voleybolçulardan ibarət Azərbaycan millisinin yeni baş məşqçisi məlum olub.

Azərbaycan Voleybol Federasiyasından Komanda.az-a verilən məlumata görə, yığma komanda türkiyəli mütəxəssis Ataman Güneyligilə tapşırılıb.

Bununla əlaqədar mayın 16-da saat 12:00-da Voleybol Mərkəzində Ataman Güneyligilin iştirakı ilə mətbuat konfransı keçiriləcək.

Ataman Güneyligil 2015-2023-cü illərdə Türkiyənin “Qalatasaray” komandasının baş məşqçisi olub. 41 yaşlı mütəxəssis ölkəsində U-20 və U-23 yığmalarına da rəhbərlik edib.