Afrika çempionatında iştirak edəcək Azərbaycan millisinin heyəti məlum olub

Tunisdə keçiriləcək ağırlıqqaldırma üzrə Afrika çempionatında iştirak edəcək Azərbaycan millisinin heyəti müəyyənləşib.

Azərbaycan Ağır Atletika Federasiyasından (AAAF) Komanda.az-a verilən məlumata görə, ölkənin eyniadlı şəhərində baş tutacaq yarışda 3 idmançı mübarizə aparacaq.

Qadınlarda Nazilə İsmayılova (45 kq), kişilərdə isə İsa Rüstəmov (67 kq) və Ömər Cavadov (73 kq) 33-cü Afrika çempionatında körpücük üzərinə çıxacaqlar.

Yarış 11-18 may tarixlərində təşkil olunacaq.

Azərbaycan yığmasının başqa qitənin çempionatında çıxışına səbəb bu ilin aprelində İrəvanda keçirilən Avropa çempionatında ermənilərin təxribatı nəticəsində millinin yarışda iştirak edə bilməməsidir. Tunisdəki turnir Paris-2024 Yay Olimpiya Oyunlarına lisenziya xarakteri daşıyır.