De Xeanı tənqid etdi: “Vacib matçlarda axmaq səhvlərə yol verir”

İngiltərə millisinin sabiq hücumçusu Piter Krauç İngiltərə Premyer Liqasının 35-ci turunun “Vest Hem” – “Mançester Yunayted” (1:0) qarşılaşmasını şərh edib.

Komanda.az “BT Sport”-a istinadən xəbər verir ki, o, “qırmızı şeytanlar”ın qapıçısı David de Xeanın səhvindən söz açıb:

“Çox qəribə səhvə yol verdi. Müqaviləni yeniləmək anı gələndə bu cür məqamlar ona kömək etməyəcək. O, uzun müddət ən yaxşı qapıçısı hesab olunurdu. Vacib matçlarda axmaq səhvlərə yol verir”.

Xatırladaq ki, meydan sahibləri ispaniyalı qolkiperin səhvi nəticəsində vurulan qolla qələbəyə seviniblər.

Mançester təmsilçisi hazırda İngiltərə çempionatının turnir cədvəlində 63 xalla 4-cü, “Vest Hem” isə 37 xalla 15-ci pillədə qərarlaşıb.