“Qoca sinyora”dan çempiona təbrik

“Yuventus” “Napoli”ni İtaliya A Seriyasının 2022/23 mövsümündə çempion olması münasibətilə təbrik edib.

Komanda.az xarici KİV-ə istinadən xəbər verir ki, Turin təmsilçisi təbrik mesajında “Napoli”ni tarixdə üçüncü dəfə skudettonu qazandıqları üçün təbrik edirik” sözlərini yazıb.

Neapol təmsilçisi sona 5 tur qalmış çempionluğu təmin edib. 33 illik fasilədən sonra çempionluq sevinci yaşayan “Napoli” daha öncə 1986/87 və 1989/90 mövsümlərində də “qızıl” qazanmışdı.

İtaliya çempionatının turnir cədvəlində “qoca sinyora” 63 xalla üçüncü pillədə qərarlaşıb. 34-cü turda “Yuventus” Berqamo səfərinə yollanacaq və “Atalanta” ilə qarşılaşacaq. “Napoli” isə evdə “Fiorentina”nı qəbul edəcək.