Bakıda keçiriləcək Avropa çempionatının loqosu təqdim olunub – FOTO

18 yaşadək oğlan basketbolçular arasında Bakıda keçiriləcək Avropa çempionatının C divizionunun loqosu təqdim olunub.

Azərbaycan Basketbol Federasiyasından (ABF) Komanda.az-a verilən məlumata görə, loqotipin ilkin görünüşü Azərbaycan bayrağında öz əksini tapmış aypara və səkkiz guşəli ulduzu xatırladır.

Loqoda qızıl ayparanın ənənəvi Azərbaycan zərgərlik sənətinə xas olan Qarabatdağ boyunbağısına bənzədilməsi və içərisində səkkizguşəli ulduzun olduğu topun orta dairədən qızıl aypara boyunca yuxarıya doğru fırlanması müşahidə edilir.

Basketbolun əsas özəyini təşkil edən topun qırmızı rəngdə olması isə məhz Azərbaycana xas olan xromatik xüsusiyyətdir.

Avropa çempionatı 29 iyul-6 avqust tarixlərində keçiriləcək.