Kan: “Məncə, PSJ-dən də güclü olan rəqiblə qarşılaşacağıq”

“Bayern”in icraçı direktoru Oliver Kan Çempionlar Liqasının 1/4 finalında “Mançester Siti” ilə qarşılaşacaqları oyunlar haqda danışıb.

Komanda.az xarici KİV-ə istinadən xəbər verir ki, klub rəsmisi “şəhərlilər”in PSJ-dən daha güclü rəqib olduğunu bildirib:

“Çempionlar Liqasını qazanmalıyıq” deyə bilmərik. Təbii ki, qalib gəlmək istəyirik, amma bu, planlaşdırılan bir şey deyil. İndi məncə, PSJ-dən də güclü olan rəqiblə qarşılaşacağıq. “Mançester Siti” güclü olduğunu Erlinq Halandın belə oynamadığı “Liverpul”la matçda göstərdi”.

“Bayern” – “Mançester Siti” matçları aprelin 11-də və 19-da keçiriləcək.