“Belə olduqda, oynamaq çətin olur” – Alleqri

“Yuventus”un baş məşqçisi Massimiliano Alleqri İtaliya A Seriyasının 28-ci turunun “Verona” ilə qarşılaşmasını (1:0) dəyərləndirib.

Komanda.az “Football Italia”-ya istinadən xəbər verir ki, o, futbolçularının durumu haqda fikir bildirib:

“Yaxşı nəticələr qazanmaq sizə tez bir zamanda inkişaf etməyə imkan verir. Lakin bu, zamanla özünü göstərir.

UEFA Çempionlar Liqasına vəsiqəni təmin edən zonaya düşmək üçün hələ 4 xal geridəyik. Belə olduqda, oynamaq çətin olur. Amma futbolçularım əladır”.

“Qoca sinyora” hazırda İtaliya çempionatının turnir cədvəlində 44 xalla 7-ci, “Verona” isə 19 xalla 18-ci pillədə qərarlaşıb.