“Çelsi”nin qələbəsi “Lion” və “Başakşəhər”i sevindirdi

“Çelsi” Avropa Liqasının finalında “Arsenal”ı 4:1 hesabıyla məğlub edərək, kubokun sahibi olub.

Komanda.az xarici mətbuata istinadən xəbər verir ki, “zadəganlar”ın bu uğuru Fransanın “Lion” klubuna növbəti mövsümdə Çempionlar Liqasında mübarizəyə qrup mərhələsində başlamağa kömək olub. Belə ki, “Çelsi” Avropa Liqasını qazandığı, ancaq əvvəlcədən ÇL-ə vəsiqəni təmin etdiyi üçün “Lion” da sözügedən turnirdə mübarizəyə qrup mərhələsindən başlayacaq.

Türkiyə Super Liqasını 2-cı sırada bitirən “Başakşəhər” isə ÇL-də mübarizəyə 3-cü təsnifat mərhələsindən başlayacaq.

UEFA-nın qaydalarına görə, Avropa Liqasının qalibi olan komanda növbəti mövsümdən birbaşa Çempionlar Liqasının qrup mərhələsində iştirak hüququ qazanır. “Çelsi” İngiltərə Premyer Liqasında 3-cü yeri tutduğuna görə ÇL-in qrupunda oynamaq hüququnu əvvəlcədən təmin edib. “Zadəganlar” ÇL-də iştirakı əvəlcədən təmin etdiyi üçün də bu vəsiqə, UEFA-nın reytinqində 5-ci yerdə olan – Fransa çempionatının 3-cüsü “Lion”a verilib. “Lion”un 3-cü təsnifat mərhələsindən başlamaq hüququ isə Türkiyənin “Başakşəhər” klubuna keçib.