Yeni transfer istəmir

“Barselona”nın baş məşqçisi Xavi qış transfer pəncərəsi ilə bağlı danışıb.

Komanda.az xarici KİV-ə istinadən xəbər verir ki, o, komandanın hazırkı heyətindən razı olduğunu deyib:

“Biz kim olduğumuzu bilirik və xoşbəxtik. Qalib komandamız var. Futbolçularım qələbə qazanmaq istəyirlər. Bunu hər məşqdə müşahidə edirəm. Məncə, yeni transferlərə ehtiyac yoxdur. Komandamdan razıyam”.

“Barselona” İspaniya kubokunda “İntersiti” ilə qarşılaşacaq. Kataloniyalılar hazırda La Liqanın turnir cədvəlində 38 xal toplayaraq, 2-ci pillədə qərarlaşıblar.