“Ayaks” – “Tottenhem”: Heyətlər bilindi

Çempionlar Liqasının 1/2 final mərhələsinin cavab oyununda “Ayaks” doğma azarkeşləri qarşısında “Tottenhem”i qəbul edəcək.

İlk oyunda səfərdə minimal hesablı qələbə qazanan “Ayaks”a finala vəsiqə qazanmaq üçün bərabərlik də sərf edir. London təmsilçisi isə ən azı iki top fərqiylə qələbə qazanmalıdır. “Tottenhem”in 1:0 hesablı qələbəsi, oyunu əlavə vaxta aparacaq.

Qarşılaşmadan əvvəl “Ayaks”da ciddi itki yoxdur. “Tottenhem”də isə Harri Keyn zədə səbəbindən bu görüşü buraxacaq. Erik Lamela və Yan Vertongen Hollandiyaya aparılan heyətdə yer alsalar da, oynayacaqları sual altındadır.

Saat 23:00-da start götürəcək qarşılaşmanı alman referi Feliks Brix idarə edəcək

Komanda.az xarici mətbuata istinadən komandaların təxmin olunan start heyətlərini təqdim edir:

“Ayaks”ın təxmini 11-liyi: Andre Onana, Nussair Mazraui, Deyli Blind, Nikolas Taqliyafiko, Matteys de Liqt, Frenki de Yonq, Donni van de Bek, Lass Şöne, David Neres, Hakim Ziyex, Dusan Tadiç.

“Tottenhem”in təxmini 11-liyi: Uqo Lloris, Kevin Trippyer, Tobi Alderveyreld, Davinson Sançes, Denni Rouz, Viktor Vanyama, Mussa Sissoko, Kristian Eriksen, Lukas Moura, Dele Alli, Son Hın Min.