“Barselona” təklif etdi – Luis Suares “yox” dedi

“Barselona” uruqvaylı hücumçu Luis Suareslə mümkün transferi barədə danışıb.

Komanda.az “Diario Sport”-a istinadən xəbər verir ki, Kataloniya klubu 35 yaşlı futbolçu ilə əlaqə saxlayıb, mümkün dönüş məsələsini müzakirə edib. Eyni zamanda, “Barselona” hücumçuya onun ehtiyat variant olduğunu açıq şəkildə bildirib. Kataloniyalılar ondan avqust ayına qədər gözləməsini istəyiblər, çünki klubun əsas hədəfi “Bayern”in hücumçusu Robert Levandovskidir.

Suaresin təklifə görə “Barsa”ya təşəkkür etdiyi, lakin avqusta qədər gözləmək istəmədiyi bildirilir. Onun “Vilyarreal”, “Sevilya” və “River Pleyt”dən təklifləri var.

Suares ötən mövsüm “Atletiko”nun heyətində bütün turnirlərdə 45 oyunda 13 qol vurub və 2 məhsuldar ötürmə verib.

Bizi Telegramda izləyin