“Qəbələ” və “Sumqayıt” finalda!

Bu gün Azərbaycan kubokunda yarımfinal mərhələsinin cavab oyunları keçirilib.

Komanda.az xəbər verir ki, günün ilk oyununda “Qarabağ” doğma azarkeşləri qarşısında “Qəbələ”ni qəbul edib. İlk oyunda minimal hesabla məğlub olan “köhlən atlar”, finala vəsiqə qazanmaq üçün ən azı 2 top fərqi ilə qalib gəlməliydi. Ağdam klubu bu iki qolu vursa da, matçın sonlarında rəqibin fərqi azaltmasına mane ola bilməyib. Nəticədə, “Qəbələ” bu oyunda uduzmasına baxmayaraq, səfər qolu sayəsində finala vəsiqə əldə edib.

Günün digər qarşılaşmasında “Zirə” “Sumqayıt”ı qəbul edib. Hər iki komandaya istənilən hesablı qələbə sərf edirdi. Komandalar arasında Sumqayıtda keçirilən ilk görüş qolsuz bərabərliklə bitmişdi. Cavab görüşü isə kifayət qədər məhsuldar alınıb. Bütövlükdə altı qolun qeydə alındığı matçın sonunda sevinən tərəf isə “Sumqayıt” olub.

Beləliklə, mayın 19-da keçiriləcək final matçında “Qəbələ” ilə “Sumqayıt” üz-üzə gələcək.

Azərbaycan kuboku, yarımfinal mərhələsi, cavab oyunları

1 may

Qarabağ – Qəbələ 2:1

Qol: Miçel, 37. Dani Kintana, 58 – Davit Volkov, 81.
Hakimlər: İnqilab Məmmədov, Rahil Ramazanov, Pərvin Talıbov, Rəşad Əhmədov
Hakim-inspektor: Babək Quliyev
AFFA nümayəndəsi: Ələddin Ələkbərov
Tofiq Bəhramov adına Respublika Stadionu, 17:00
İlk oyun (0:1)

Qarabağ: 12. Şahruddin Məhəmmədəliyev, 4. Rahil Məmmədov, 30. Abbas Hüseynov, 55. Bədavi Hüseynov (k), 20. Riçard Almeyda, 17. Abdullah Zubir, 6. Simeon Slavçev, 77. Donald Qerye, 8. Markos Madera, 10. Dani Kintana, 11. Mahir Mədətov
Ehtiyat oyunçular: 94. Nicat Mehbalıyev, 14. Rəşad Sadıqov, 9. Araz Abdullayev, 2. Qara Qarayev, 19. Filip Ozobiç, 7. İnnosent Emeqara, 99. Reynaldo Silva, 18. İsmayıl İbrahimli, 21. Hacıağa Hacılı, 71. Toral Bayramov
Baş məşqçi: Qurban Qurbanov

Qəbələ: 1. Anar Nəzirov, 34. Urfan Abbasov, 14. Cavid Hüseynov (k), 4. Elvin Camalov, 10. Rauf Əliyev, 3. Voislav Stankoviç, 17. Ceyms Adeniyi, 88. Sabien Lilay, 9. Davit Volkov, 27. Bəhlul Mustafazadə, 2. Amin Seydiyev
Ehtiyat oyunçular: 35. Murad Popov, 5. Rasim Ramaldanov, 18. İlqar Qurbanov, 11. Asif Məmmədov, 21. Atakora Lalavele, 8. Qismət Alıyev, 7. Roman Hüseynov, 98. Rövlan Muradov
Baş məşqçi: Zaur Həşimov

______________________________________________________________________________

Zirə – Sumqayıt 3:3

Qol: Pərdis Fərcad-Azad, 47. Xulio Sezar Rodriqes, 84. Şafik Tiqrudja, 90+5 – Peyman Babayi, 19; 27; 44.
Hakimlər: Əliyar Ağayev, Zeynal Zeynalov, Akif Əmirəli, Rauf Allahverdiyev
Hakim-inspektor: Munis Abdullayev
AFFA nümayəndəsi: Ramiz Mustafayev
Zirə İdman Kompleksinin stadionu, 20:00
İlk oyun (0:0)

Zirə: 85. Kamal Bayramov (k), 2. İlkin Qırtımov, 88. Tellur Mütəllimov, 14. Bəxtiyar Həsənalızadə, 27. Adrian Skarlatake, 11. Dilan Duventru, 23. Mfo Kqasvane, 20. Fofana İsmael, 18. Xulio Sezar Rodriqes, 48. Şafik Tiqrudja, 38. İlkin Muradov.
Ehtiyat oyunçular: 1. Orxan Sadıqlı, 62. Abdulla Seyidəhmədov, 8. Kamal Mirzəyev, 6. Vüqar Mustafayev, 7. Pərdis Fərcad-Azad, 77. Mirsahib Abbasov, 26. Miloş Radivoyeviç, 91. Bilal Həmdi, 9. Aleksandr Dedov, 17. Robin Nqalande, 99. Rafael Məhərrəmli.
Baş məşqçi: Samir Abasov.
Sumqayıt: 1. Mehdi Cənnətov, 4. Şəhriyar Əliyev, 3. Vurğun Hüseynov (k), 99. Əli Babayev, 60. Elvin Məmmədov, 10. Aleksey İsayev, 22. Əfran İsmayılov, 5. Adil Nağıyev, 8. Peyman Babayi, 74. Yusif Nəbiyev, 18. Süleyman Əhmədov.
Ehtiyat oyunçular: 12. Rəşad Əzizli, 21. Arif Daşdəmirov, 2. Rail Məlikov, 17. Nicat Qurbanov, 7. Cavid Tağıyev, 34. Elvin Bədəlov, 15. Əmir Ağayev, 70. Ülvi İsgəndərov, 97. Xəyal Nəcəfov, 77. Murad Xaçayev, 25. Baxşəli Baxşəliyev, 49. İbrahim Əliyev.
Baş məşqçi: Ayxan Abbasov.