Mbappenin “Real”la bağlı əminliyi

PSJ-nin hücumçusu Kilian Mbappe Çempionlar Liqasının 1/8 final mərhələsinin “Real”a qarşı cavab oyunundan (1:3) sonra Madrid klubuna keçməli olduğuna əmin olub.

Komanda.az xəbər verir ki, bu barədə “Marca” nəşri məlumat yayıb. Nəşrin yazdığına görə, 23 yaşlı fransalı hücumçu oyunun keçirildiyi “Santyaqo Bernabeu” stadionunda ona olan münasibəti çox bəyənib. Mbappe Madrid klubunun azarkeşlərinin sevgisini və “Real”ın futbolçularının hörmətini hiss edib.

Mbappenin bu ilin yayında “Real”a keçəcəyi gözlənilir.

PSJ iki oyunun nəticəsinə görə “Real”a uduzaraq, Çempionlar Liqası ilə vidalaşıb.