Nazir Azərbaycanın Qış Olimpiya Oyunlarındakı təmsilçiləri ilə görüşdü

Bu gün gənclər və idman naziri Fərid Qayıbov Pekin Qış Olimpiya Oyunlarında Azərbaycanı təmsil edən idmançılarımız Vladimir Litvintsev və Yekaterina Ryabova ilə görüşüb.

Komanda.az xəbər verir ki, Pekin-2022-də Olimpiya komandamızın missiya rəhbəri Anar Bağırov idmançılar üçün yaradılmış şərait barədə məlumat verib.

Sabah mübarizəyə qoşulacaq idmançımız Yekaterina Ryabovanın hazırlığı ilə maraqlanan Fərid Qayıbov ona uğurlar arzulayıb.

Xatırladaq ki, artıq çıxışını başa vuran Vladimir Litvintsev Olimpiadada uğur qazana bilməyib.