Simeone: “Bu gecəni hər zaman xatırlayacam”

“Atletiko”nun baş məşqçisi Dieqo Simeone La Liqada “Valensiya”ya qarşı keçirdikləri oyunu şərh edib.

Komanda.az xarici mətbuata istinadən xəbər verir ki, Simeone, hesabda 0:2 geri olmalarına baxmayaraq, yekunda qələbə qazandıqları oyunla (3:2) bağlı bunları deyib:

“İlk hissədə özümüzdə deyildik. Demək olar ki, futbol oynamadıq. Ancaq sakit qalıb, səbirli olmağa çalışdıq. Uşaqlara dedim ki, uduzuruqsa belə, yaxşı oynayaq.

İkinci hissədə komandam özünə gəldi və oynamağa başladı. Fantastik bir gün idi. Bu gecəni hər zaman xatırlayacam”.